O alumnado de 1º ESO do IES A Pinguela vén de viaxar ao porto de Celeiro para participar no programa “Mariñeiros por un día: o mar nun clic”, un programa educativo e divulgativo para escolares que organiza a cofraría desa localidade para escolares co obxecto de aproximar a xente nova ó mundo do mar e dos produtos pesqueiros.

Coñeceron como funciona a lonxa, e fixeron un percorrido polas instalacións con explicación sobre o seu funcionamento, as especies capturadas pola frota de Celeiro, recoñecemento da merluza do pincho da de volanta, os barcos pesqueiros, a pesca sostible e simulación dunha poxa. Tamén visitaron o taller do pescador da Cofraría de Celeiro, onde fixeron un repaso de todo o que aprenderon na xornada, con especial atención ás
diferentes artes de pesca, os nós mariñeiros, os anzois, os produtos pesqueiros e o coidado do medio mariño.

Remataron a xornada cun menú a base de produtos do mar nun restaurante local e aproveitaron para coñecer a fermosa vila de Viveiro.