O concello do Saviñao instala bancos do peregrino en distintos lugares do municipio. Coa iniciativa financiada polo Consorcio de Turismo da Ribeira instaláronse cinco bancos nos lugares de A Barxa, San Mamede, Montecelo, Diomondi e Belesar.

O Saviñao prepara ademais a celebración do Samaín cun concurso online de fotografías. O concurso destínase ás persoas de menos de 16 anos, que deben de enviar un máximo de 3 fotografías antes do 31 deste mes ás 20.00, ao correo concelleriadecultura@concellodosavinao.net. No correo incluiranse nome e apelidos, idade, dirección, teléfono e autorización para a publicación das fotografías. O día 1 de novembro publicaranse as fotografías no facebook do concello e as que máis “Me gusta” reciban antes do día 5 ás 14.00 horas serán as gañadoras do cada categoría; establec´éndose unha categoría para disfaces e outra para cabazas. Coas fotografías restantes un xurado seleccionará a mellor por cada categoría. Os gañadores recibirán 50€ para gastar no comercio local.