Este venres, 25 de febreiro, celébrase pleno muncipal en Quiroga ao que o BNG leva un rogo sobre a atención que o rexedor local dá aos veciños. “Cada vez chégannos máis queixas por falta de atención do alcalde ás veciñas e veciños tanto a nivel particular como colectivo. Por ausencias reiteradas, quizais por mor da súa situación de baixa, e recados non contestados.”
Segundo os nacionalistas, o alcalde, Julio Álvarez, “está abandonando a atención personalizada como era costume e como servizo básico e necesario que entendemos debe ofrecer calquera alcaldía de concellos pequenos como o noso.”
Aseguran tamén que reciben queixas nos núcleos rurais por falta de comunicación de Delegados de Alcaldía coa veciñanza, “unha comunicación básica para poder transmitir as demandas e necesidades dos pobos.” Neste senso cren que se debe recuperar a figura tradicional da ‘convocatoria de concellos’.
