Este venres, 4 de marzo, ás 13.00 horas o Centro do Viño de Ribeira Sacra acolle a entrega dos recoñecementos obtidos polos viños da D.O. Ribeira Sacra na última cita do Mondial de Vins Extremes que se celebrou en Aosta a mediados de xullo do pasado ano. Tradicionalmente este acto de entrega tiña lugar no xantar de Nadal que organiza a Denominación para pechar o ano, pero as circunstancias da pandemia impediron celebrar esta actividade e recupérase agora a entrega dos galardóns ás adegas premiadas.
A D.O. Ribeira Sacra presentaba este ano 53 mostras, 44 de tintos e 9 de brancos, pertencentes a 27 adegas e obtivo 21 medallas, 14 de ouro e 7 de prata. Os bos resultados que a D.O. Ribeira Sacra obtén sempre en Aosta convértena nun dos referentes mundiais máis importantes dentro da viticultura de montaña ou viticultura heroica.
MEDALLAS DE OURO:
- Castro das Saiñas 2019 de Adega Saíñas C.B. (Pantón)
- Sabatelivs 2020 de Adegas e Viñedos Lareu S.L. (Chantada)
- Acivro 2020 de Adegas Salvadur S.L. (A Pobra do Brollón)
- Almanova 2019 de Alma das Donas S.L. (Pantón)
- Prómine Singular 2020 de Bodegas Petrón S.L. (Sober)
- Rectoral de Amandi 2020 de Bodegas Rectoral de Amandi S.A.U. (Sober)
- Condado de Sequeiras 2017 de Grupo Peago S.L. (Chantada)
- Condado de Sequeiras 2019 de Grupo Peago S.L. (Chantada)
- Estrela 2020 de D’Fran S.C. (Sober)
- Don Bernardino 2020 de Don Bernardino S.L. (Sober)
- Vacamulo 2017 de Don Bernardino S.L. (Sober)
- Finca Cuarta por Rubén Moure 2020 de Rubén Moure Fernández (Sober)
- Ciudáseis 2019 de Mª Gloria Alavarín Losada (Monforte de Lemos)
- Regina Expresión 2017 de Regina Viarum S.L. (Sober)
MEDALLAS DE PRATA:
- Matilda Nieves 2020 de Bodegas Rectoral de Amandi S.A.U (Sober)
- Don Bernardino 2020 de Don Bernardino S.L. (Sober)
- Don Bernardino Finca Mezquita 2016 de Don Bernardino S.L. (Sober)
- Décima 2020 de José Manuel Rodríguez González (Sober)
- Ciudáseis 2020 de Mª Gloria Alavarín Losada (Monforte de Lemos)
- Val da Lenda 2020 de Víctor Manuel Rodríguez González (Sober)
- Viña Frieira 2020 de Carlos Fernández Rodríguez (Sober)
