Preto de 200 padeeiros de todo o estado participaron nesta proba que acollía por primeira vez o concello lucense da Pontenova. O sábado 5 tivo lugar a competición de Sprint e este sábado 6 de marzo a modalidade de Clásica, nun percorrido duns 3 quilómetros. No global das dúas competicións, o resultado por clubs contaba para o campionato galego.
Na ampla expedición do Club Quixós ían, como novidade, varios deportistas que se estreaban a nivel competitivo. Un deles, Óscar Valladares, acadou un meritorio 5º posto na Clásica, na categoría de C1 séniors. Noa Díaz foi a padeeira máis destacada do equipo monfortino.
SPRINT SÁBADO 5
O Club Quixós quedou primeiro por equipos destacando como resultados individuais o 4º posto acadado por Claudio Fernández e Gabriel Rodríguez en C2 seniors; o 1º posto de Efrén Álvarez en K1 cadete; o 1º posto de Noa Díaz en C1 cadetes; o 2º posto de Jacobo Rodríguez en C1 cadetes, o 2º e 4º posto de Noa Díaz e Nerea Gutiérrez respectivamente, en K1 cadetes; e a 4ª posición de Carlos Serafín Moutiño en K1 seniors.
CLÁSICA DOMINGO 6
Nesta categoría o Club Quixós tamén quedou no primeiro lugar, entre os 9 equipos participantes. E no que respecta aos éxitos individuais, salientar os reguintes resultados: 2º e 3º posto de Jacobo Rodríguez e Efrén Álvarez no K1 cadetes; o 1º e 4º posto de Noa Díaz e Nerea Gutiérrez respectivamente, no K1 cadetes; o 3º lugar para Carlos Serafín Moutiño no K1 veteráns; o 4º e 5º posto de Claudio Fernández e Óscar Valladares –debutante– no C1 seniors.
