EspertaMonforte! leva ao pleno deste luns, entre outras propostas, un rogo e unha pregunta. Na pregunta refírense a que despois das obras de rehabilitación da igrexa de San Vicente e despois de varios vendavais levantáronse as tellas da cuberta “principalmente na parte oeste do tellado e tamén en parte do tellado do mosteiro. Como consecuencia disto caen habitualmente tellas sobre a calzada co perigo de alcanzar a algunha persoa”, sinalan.
EspertaMonforte! considera unha irresponsabilidade que nin o Concello nin o Parador teñan tomado ningunha medida, nin avisen do perigo existente para quen ande pola zona.
Preguntan, polo tanto que medidas se van a tomar desde o concello para evitar as caídas de tellas e que poidan alcanzar a viandantes e que medidas se van a tomar para reparar o tellado canto antes.
