Estas son as actividades que veñen de presentar dende a entidade cultural Segredos de Pantón, abertas a podo o público e que empezarán este sábado 23 de xullo:
23 de xullo: Visita á igrexa de San Romao de Moreda. Coñecerase este templo, “as historias que ten que contarnos e coñeceremos algo máis sobre o seu antigo prirodado”, din dende a asociación. Nesta actividade colaboran coa Asociación de Veciños/as de San Romao de Moreda.
Hora de comezo as 10 da mañá e prezo da actividade: 2 euros/persoa.
29 de xullo: Charla sobre a organización territorial de Pantón na Idade Media da man do historiador Luis Manuel Ibáñez Beltrán.
Será no salón de actos do Edificio Sociocultural do Concello de Pantón.
Hora de inicio: 18 horas.
De cara xa ao mes de agosto, e nunha data aínda por determinar: Ruta polo Carballedo máis pantonés, onde conxuntamente coa asociación de veciños O Bubaíño de Castro, percorrerase A Grixoá, Paradela e as fermosas igrexas románicas de Santo Estevo de Chouzán e San Martiño da Cova. Esta actividade ten un prezo de 2 euros/persoa.
