O Concello de Bóveda pon en marcha este curso o servizo de madrugadores para axudar á conciliación familiar, persoal e laboral. Trátase dun servizo para aquelas familias que precisan deixar aos seus fillos cedo, antes do inicio da xornada lectiva.

O servizo vaise prestar de luns a venres de 08:00 a 10:00 horas na Casa da Cultura do municipio. Os nenos e nenas estarán atendidos nun ambiente lúdico e educativo.

O servizo de madrugadores contará cunha programación específica baseada en actividades creativas e artísticas, musicais e deportivas.