Volve a Festa do Rosario e faino por todo o alto este domingo 9 de outubro.
A asociación Meigas e Trasgos erguerá a veciñas e veciños cun pasarrúas antes da misa que será ás 12:30 h. na Igrexa do Rosario e estará cantada polo coro Sarricanta. A procesión estará acompañada tamén pola formación tradicional de Meigas e Trasgos.
Ás 14:00 h. o grupo Tania Veiras será o encargado de animar a sesión vermú facendo tempo para o xantar popular que será ás 15:00 h. na Rúa Gran Vía.
Xa pola tarde, ás 18:00 h. volve actuar a orquestra Tania Veiras e ás 19:30 h. o mago local Roberto Lolo ofrecerá o seu espectáculo. Ao remate, chocolatada para todas e todos os asistentes.
A xornada dominical e Festa do Rosario poñerá o ramo coa verbena, amenizada tamén polo grupo Tania Veiras.
Ademais do comercio local, fan posible a organización desta festa a Deputación de Lugo e o Concello de Sarria.
