A estrada provincial LU-P-1009, que conecta os núcleos do Piñeiro e Lamacarreira por Buciños, en Carballedo, quedou cortada onte á noite a causa dun corremento de terras provocado polas fortes choivas da pasada fin de semana.

Aínda que o firme non se viu afectado, as precipitacións provocaron a formación dunha cavidade debaixo da vía, á altura do punto quilométrico 1,500, que podería afectar á seguridade na circulación de vehículos.

A Deputación xa sinalizou o corte da estrada como medida de prevención e nos vindeiros días comezará cos traballos para poder reabrila ao tráfico o antes posible.