O alcalde de Sarria, Claudio Garrido, visita o comezo dos traballos de renovación do pavimento nun treito de sete quilómetros da estrada municipal de Oural a Vilamaior. Esta actuación, adxudicada o pasado mes de outubro á empresa Probisa Vías y Obras conta cun investimento de 281.000 euros.

O proxecto inclúe tanto a limpeza e apertura de cunetas ao longo dos sete quilómetros, como a dotación dun novo pavimento (27.600 metros cadrados de aglomerado en quente) e o pintado da sinalización horizontal.

Con estes traballos complétanse os asfaltados realizados a finais da semana pasada na contorna do Centro Deportivo Saúde Sarria, na explanada do Chanto e na rúa das Ameneirizas.