A exposición ‘inmarcesibles’, iniciativa dos servizos sociais do Concello de Sober, leva meses percorrendo concellos con grande éxito. O pasado 3 de marzo remataba o seu pase polo Concello do Saviñao, do 6 ao 14 estará no Concello de Bóveda e do 20 ao 31 acóllea o IES Río Cabe de Monforte.
No que respecta ás charlas educativas, estas centraranse na loita contra o canon de beleza. O 6 tivo lugar unha no Centro para Discapacidade Física de Bóveda e o 28 de marzo desenvolverase outra no IES Río Cabe.
OUTRAS ACCIÓNS
O 7 de marzo haberá unha actividade no Colexio Público Virxe do Carmen que consistirá na realización dunha decoración de globos con motivos de igualdade e o día 8, ‘Día Internacional da Muller’, farase un decorado de globos na Praza do Concello e unha presentación a través das redes sociais do ‘Proxecto de Igualdade 2023’.
Para o 9 está programada unha charla educativa e visionado do documental ‘Nosoutras’ no Centro Penitenciario Pereiro de Aguiar, e xa o 10, no ciclo ‘Merendas con Contos’, Lucía Rodríguez fará unha selección de lecturas sobre mulleres na Biblioteca Municipal.
