A Garda Civil imputou en calidade de investigado a un veciño de 29 anos da localidade ourensá do Carballiño como suposto autor dun delito de roubo no interior dunha vivenda do municipio lucense de Carballedo.
Segundo trasladou o Instituto Armado, os feitos tiveron lugar o pasado 25 de febreiro. Ao parecer, a propietaria da vivenda contratou á persoa investigada para realizar unhas obras na súa casa e este subtraeu cobre do baño e diñeiro en efectivo. Ademais, apunta que recibiu pagos por importe de 3.000 euros sen realizar a obra. As dilixencias foron remitidas ao Xulgado de Garda de Chantada.
ROUBO SARRIA
Por outra banda, a Garda Civil de Lugo tamén informou de que imputou en calidade de investigada a unha veciña de Sarria de 77 anos como suposta autora dun delito de furto de produtos de alimentación. Neste caso, os feitos tiveron lugar o interior dun supermercado da localidade lucense o pasado día 27 de febreiro, cando a presunta autora furtou diversos produtos do local comercial.
TRÁFICO DE DROGAS
Así mesmo, o Instituto Armado comunicou que imputou en calidade de investigado a un veciño de Lugo de 27 anos como suposto autor dun delito de tráfico de drogas, tras intervirlle 100 gramos dunha sustancia, supostamente haxix. As dilixencias policiais foron remitidas ao Xulgado nº 3 de Lugo.
