Segundo a CIG Saúde o Hospital de Monforte adoece desde hai tempo de falta de enfermeiras, o motivo é para o sindicato, “a mala xestión por parte do centro polas malas condicións de traballo existentes e por non coidar ao persoal ofrecendo contratos precarios e limitando os seus dereitos por ser persoal temporal.”

A esta situación engaden o que denominan “última medida precarizadora da dirección do Hospital de Monforte: cando non atope enfermeiras para cubrir os permisos que disfrutan outras, deixar unha soa enfermeira por planta.”

Aseguran que en Monforte xa hai un déficit de enfermeiras moi importante nas unidades de hospitalización “onde só hai dúas enfermeiras por quenda, pero agora deixan a unha soa enfermeira para atender toda a planta.”

Para CIG-Saúde esa medida crea inseguridade tanto para os pacientes como para o propio persoal “que vai ter que facer fronte en soidade a posibles ingresos na unidade ou a que algún dos pacientes ingresados se inestabilice e sexa precisa unha actuación de urxencia”, conclúen.