Aseguran desde Courel Vivo que en situacións de baixa ou vacacións, o Sergas propón unha intersubstitución entre centros, “consiste en que os sanitarios de Folgoso se despracen a Seoane parte de mañá e viceversa, o que supón unha perda de Servizos Sanitarios para os pacientes e un desmantelamento dos mesmos, quedando os centros desprovistos de persoal parte da mañá. Non podemos tolerar tanto desprezo por parte da Xunta de Galicia cara a zona de montaña e ao noso concello en particular”, aseguran.

A formación política considera que se vulnera varias normativas comunitarias e O Artigo 43 da Constitución que recoñece o dereito a Saúde de cada persoa e  di que “Compete ós  poderes públicos organizar e tutelar a saúde pública a través de medidas preventivas e das prestacións e servizos necesarios.”

Courel Vivo asegura que non permitirá se saque un servizo máis ou que non se cubran as baixas e libranzas dos profesionais sanitarios, “pretendemos chegar a onde sexa con este problema reiterado e non nos quedaremos cos brazos cruzados mirando a  falta de empatía e desprezo que teñen desde un sillón na urbe, cos servizos no rural.”