Durante esta fin de semana o mundo do motor foi protagonista en Chantada. Desde o venres os coches ocuparon a vila, pero a proba que sobe pola ribeira de Belesar comezaría o sábado. O domingo, xornada de entrega de premios, abriríase coa manga de adestramentos, seguida das dúas carreiras oficiais que decidirían os gañadores da segunda e a terceira categoría.
Chegando ao medio século, a cita automobilística, reuniu unha vez máis a corredores de máximo nivel, entre os 88 pilotos participantes. Gañaron nas diferentes categorías, o vasco Joseba Iraola coa súa Nova M20FC; Javi Villa impuxo o seu BRC B59 e Jordi Gaig o Porsche 911 GT3R.
Pero foi o italiano, Christian Merli, o máis rápido de todos os pilotos participantes. O Osella FA30 de Merli marcou un tempo de 1.38.527 minutos na xornada do sábado, batendo ao mesmo tempo o récord do trazado. A segunda praza foi Joseba Iraola, que tamén bateu o seu récord persoal ao parar o cronómetro en 1.40.182 minutos.
Merli tamén gañaría o Trofeo Ribeira Sacra no que quedaría segundo o alemán, Alexander Hin. As barquetas destes dous pilotos non puntúan no nacional, por ser vehículos con outra normativa, por iso Joseba Iraola foi o vencedor final na clasificación xeral.
Subida a Chantada 2023 / Facebook Campionato de España de Montaña
