Os 1.000 euros a sortear repártense en 2 tarxetas prepago de 300€ e 8 tarxetas de 50 euros. Estas tarxetas deberán ser empregadas polos gañadores en novas compras no comercio de proximidade local. Todos os clientes participantes poderán optar a un agasallo directo participando na Ruleta da Fortuna da Federación de Comercio. Ás 12.00 horas haberá tamén un espectáculo musical.
“Mercar no teu comercio ten premio” é unha iniciativa de promoción do comercio de proximidade galego organizada pola Federación Galega de Comercio e a Consellería de Economía, Industria e Innovación – Dirección Xeral de Comercio e Consumo da Xunta de Galicia, coa colaboración neste caso da Federación de Comercio de Lugo e a Asociación de Empresarios Xeoparque Montañas do Courel.
Así, todos os clientes de Quiroga que realizaran compras por importe mínimo de 10 euros no comercio de proximidade entre o 11 e o 19 de outubro, poden participar no sorteo en directo destos 1.000 euros en premios. Este sorteo contará mañá coa presencia de representantes das entidades organizadoras, entre eles José María Seijas, presidente da Federación Galega de Comercio e da Federación de Comercio de Lugo; Almudena Rodríguez, presidenta da Asociación Empresarios Xeoparque Montañas do Courel; así como José Luis Rivera, alcalde de Quiroga; e Manuel Rodríguez, directora de oficina de ABANCA en Quiroga; así como outros directivos da asociación empresarial e do Concello.
