O autor da iniciativa, José Manuel Balseiro, lembrou que son “infraestruturas proxectadas no seu momento polo Goberno de Mariano Rajoy e hoxe suprimidas polo Goberno de Pedro Sánchez”. Sen estas variantes, o actual trazado ferroviario non permite que ningún tren AVE poida circular pola provincia.
O acordo final tamén reclama que se dote a Galicia, con carácter de urxencia, de como mínimo sete trens AVRIL; e que faga unha aposta real e decidida pola conexión por AVE con Portugal. O portavoz popular de Infraestruturas, José Manuel Balseiro, situou como “unha prioridade de país” a extensión e chegada do AVE “a toda Galicia”.
“Pero a aposta pola alta velocidade non pode implicar desatender os servizos ferroviarios convencionais”, reclamou José Manuel Balseiro, para o que considera fundamental recuperar as frecuencias suprimidas tras a pandemia, “situación especialmente lesiva para a comarca de Lemos ou no relativo á liña Feve da costa norte, as máis prexudicadas. É necesario investir na modernización das instalacións, dos trens e dos equipos rodantes; ampliar a oferta de prazas; e contar co persoal cualificado necesario para a demanda existente”.
