Segundo trasladou a Deputación de Lugo nun comunicado, do tres efectivos que son necesarios para cumprir cos servizos mínimos, este domingo presentáronse a traballar dous efectivos, xa que un deles non acudiu ao seu posto “sen xustificación algunha”.

Ante esta situación, o Consorcio tratou de mobilizar profesionais doutras bases pero, tal e como detalla, non foi posible porque todas cobren os servizos mínimos. Ademais, asegura que foron avisados mediante comunicación certificada os reténs designados no cuadrante para os diferentes parques, que tampouco se presentaron.

Así, o Consorcio provincial decidiu recolocar aos dous efectivos de Chantada no parque de Monforte de Lemos, desde onde atenderán as posibles incidencias.