A Garda Civil de Lugo investiga ao condutor dun vehículo ebrio e sen carné que sufriu un aparatoso accidente de tráfico na estrada LU-933, entre Monforte e A Rúa, aínda que non resultou ferido.

O sinistro consistiu nunha saída de vía e posterior envorco pola marxe dereita da vía, explica a Garda Civil. Tras o suceso, o condutor foi sometido á proba de alcoholemia e deu un resultado positivo, triplicando o máximo permitido. Ademais, verificouse que carecía de permiso de conducir, que lle foi retirado.

Por iso, procedeuse á súa investigación como suposto autor de senllos delitos contra a seguridade viaria.