HomesociedadeA Agrupación Empresarial da Ribeira Sacra vai collendo corpo, non hai marcha...

A Agrupación Empresarial da Ribeira Sacra vai collendo corpo, non hai marcha atrás

Unha vez celebrada a reunión, desde o Consello de Administración destacan que a agrupación empresarial "vai collendo corpo e non hai marcha atŕas; 16 dos concellos teñen confirmada a súa colaboración e o número de empresas asociadas e entidades colaboradoras segue incrementándose".

Publicado o

POR
Redacción
- Advertisement -

A Agrupación de Empresas da Ribeira Sacra vén de celebrar a primera reunión do Consello de Administración neste 2024. Segue o carácter itinerante destes encontros e o lugar escollido para esta ocasión foi o castelo de Castro Caldelas.

Na reunión deuse conta dos contactos cos 26 municipios que integran a agrupación empresarial e da boa acollida que está tendo a proposta. Mentres o número das empresas asociadas segue incrementándose paulatinamente.

Informouse dos primeiros pasos para que a Agrupación Empresarial comece a operar de mediadora para a formación, como organismo que colaboraría con outras entidades para ofrecer a formación que se necesita na Ribeira Sacra. Desde Ribeira Sacra Next amósanse covencidos da importancia da formación para axudar a fixar poboación e desenvolver o territorio; por iso traballan nunha sondaxe para ver as necesidades reais de formación dos distintos sectores asociados. Unha vez coñecido o resultado da sondaxe estableceranse as medidas para abordar esta problemática.

No Consello de Administración deuse conta tamén dos contactos coas universidades para a elaboración do Plan estratéxico de actuación da AIE Ribeira Sacra Next. Este plan trataría de definir cuestións como as seguintes:

  • Diagnose da situación
  • Definición de elementos estratéxicos da entidade: misión, visión, valores e obxectivos
  • Modalidades de participación e ámbito de actuación
  • Estrutura organizativa e gobernanza
  • Modelo de financiamento
  • Plan de actuación
  • Plan de comunicación
  • Monitorización, avaliación e adaptación

Informouse das negociacións con empresas subministradoras de combustibles para que as empresas asociadas e seus empregados benefíciense de descontos. O Consello de Administración aprobaba a realización dunha páxina web, a actualización da imaxe de marca e a realización doutro material promocional da agrupación, das empresas asociadas e das iniciativas que desenvolven.

No Consello de Administración tamén coñeceron proxectos de mobilidade sostible e de turismo activo. No primeiro caso daríase resposta ás necesidades de conectividade a través de rutas eficientes que, entre outras cousas, axudarían a manter ás persoas maiores nas súas casa durante máis tempo. Un servizo para a sustentabilidade que tende á desestacionalizacións. O segundo caso, Ribeirani, é unha ambiciosa proposta de turismo activo, convencidos de que non hai ningún lugar mellor para sácalo adiante que este territorio.

ÚLTIMAS

O Desfile da Confraría do Viño de Quiroga abre os actos da Feira do Viño

Baixo ameaza de chuvia uns minutos antes da unha do mediodía deste sábado os...

Quixós, terceiro posto na 2ª Copa galega de Promoción de Slálom

O encoro de Pontillón do Castro, en Verducido (Pontevedra), onde están as instalacións da...

O Ministerio de Transportes afrontará a remodelación do firme da N-540 tras a Semana Santa

O Goberno inviste preto de 11 millóns de euros na renovación integral do viario...

XVI Certame Celtibérico de Bandas de Gaitas na Feira do Viño de Quiroga

Dentro do actos da Feira do viño de Quiroga, o día 19 a partir...