O Club de Piragüismo Quixós, de Monforte, chegou con dez deportistas a terras catalás para competir estes días a nivel nacional en dúas modalidades. Os días 28 e 29 de marzo farano en Eslálom Olímpico e o día 30 en Kayak Cross.

Trátase da 2ª Copa de España de Eslálom Olímpico e tamén se disputan os Selectivos Olímpicos, co cal as probas son de máxima esixencia. O escenario será a Canle Olímpica de La Seu D’Urgell na provincia de Lleida.

Os deportistas monfortinos que competirán en diferentes categorías son: Sara, Nerea, Noa Díaz, Ximena, Martín, Diego, Iago, Efrén, Carlos e Santi Díaz –director técnico do Club–.