Antonio Ameijide e Katy Varela consideran que José Tomé despois de ver como o alcalde de Monforte e presidente da Deputación “tenta buscar escusas consciente de que é o único responsable por mor dos seus caprichos persoais, da marcha do CRAEGA. É a primeira vez que nos temos que desculpar por traballar a favor dos veciños porque ao alcalde lle parece mal”, subliña o portavoz provincial.
Os populares aseguran que, “A realidade é que Tomé non fixo nada do que estaba na súa man para que o CRAEGA quedase en Monforte e agora, sabedor de que é o único responsable, tenta escorrer o vulto”.
Ameijide lembrou que “Tomé é o principal responsable de non sentarse a falar co CRAEGA que levaba anos intentando demandando quedarse en Monforte e empregando as instalacións do Pazo de Tor”.
Katy Varela afirmou, pola súa banda, que “un alcalde de verdade se preocuparía polos seus veciños e por manter os postos de traballo na súa cidade. Que fixo realmente o alcalde? Nada. Mirar cara outro lado e cando se lle pediu a súa axuda mirou cara outro lado e, incluso, votou en contra nos plenos”.
“Paréceme ridículo que presente unha moción destas características en ambos plenos, unha proba máis de que o único que lle importa das institucións é a súa imaxe e seguir mantendo a súa carreira política. Os cidadáns somos o último que realmente lle importa, e proba diso é o tipo de xestión que fai”, sinalou Varela.
