Do encontro participou o profesorado do IES A Pinguela con empresarios monfortinos do sector (Gonzalo López Otero, de Calzados Losal; Alberto Pérez, de Curtidos Galaicos) e de Padrón (José Luis Reboiras, de Ana Muñiz).

Representando á Consellería de Educación asistiu a Directora Territorial de Educación de Lugo, Sagrario Sánchez Ramil, e contouse tamén coa colaboración do ex Conselleiro de Industria, o monfortino Francisco Conde López.

Na reunión tratáronse as oportunidades que se abren coa implantación da FP dual intensiva e da posibilidade de complementar a oferta educativa da familia profesional de téxtil. “Unha reunión de traballo moi produtiva na que estudiamos como aumentar as sinerxias empresa/ instituto e implementar as prácticas dos distintos ciclos formativos do noso centro”, destacan desde a dirección do IES A Pinguela, o único instituto de Galicia que está a ofertar formación profesional de Calzado e Complementos de Moda.