O uso temperá das denominadas TRIC (Tecnoloxías das Relacións, a Información e a Comunicación) adoita traer consigo problemas a nivel emocional e de convivencia, especialmente nun período vital tan crítico como é a infancia ou a adolescencia. Tal e como veñen advertindo organismos como a OMS, a UNESCO ou UNICEF, o uso intensivo e sen supervisión das redes sociais ou dos videoxogos pode derivar en hábitos de vida menos saudables, maiores taxas de ansiedade e depresión, un aumento do acoso escolar e o ciberacoso, violencia filioparental ou mesmo dar lugar a novas formas de adicción.

A tecnoloxía constitúe unha ferramenta de apoio indubidable no ensino, pero un uso excesivo das pantallas pode dar lugar paradóxicamente a máis dificultades de aprendizaxe e a un peor rendemento académico.

A sociedade está mudando e as familias tamén. Adquirir conciencia crítica e tomar partido é unha tarefa obrigada. Afastado por igual de alarmismos e de “buenismos”, dende un enfoque responsable e pragmático, na charla-obradoiro o profesor Rial Boubeta exporá datos reveladores a este respecto, convidándo a reflexionar como comunidade, na procura dun uso equibrado, saudable e responsable da tecnoloxía na infancia e a adolescencia.

Antonio Rial Boubeta é doutor en Psicoloxía Social e profesor da Universidade de Santiago de Compostela. Autor de mais de 140 artigos en revistas científicas de impacto internacional e director de 21 teses de doutoramento, foi responsable de numerosos proxectos de investigación do eido da mocidade e as adiccións, dende o Uso problemático de Internet, as redes sociais o ciberbullying, ao consumo de alcohol e sustancias.