HomeCulturaEste 10 de xuño ábrese o Museo escolar do patrimonio triacastelá

Este 10 de xuño ábrese o Museo escolar do patrimonio triacastelá

O museo 'O teu pasado, o meu presente' ubicado no CEIP Eduardo Cela Vila de Triacastela, poderase visitar dende o vindeiro luns 10 ata o venres 21, en horario de 09:30 a 13:30 horas. Despois, dende o luns 24 ata o venres 28 concertando cita previa no 982828289.

Publicado o

POR
Redacción
- Advertisement -

O museo conta con catro estancias formadas por recreacións artísticas feitas na súa totalidade polo alumnado e acompañadas dunha breve descrición:

  • A do patrimonio natural alberga o Monte Oribio coa súa cume, a Pena Sóa; o Río Oribio e a Castiñeira Centenaria de Ramil.
  • A do patrimonio arquitectónico e arqueolóxico: a Alvariza, a Cova Eirós, o Pombal de Celeiro e unha recreación do Castro de Triacastela.
  • O patrimonio cultural e lingüístico: a cachena, o Apalpador, un libro de refráns e lendas, un libro con pareados feitos polos nenos e varias obras publicadas polo Concello e a Xunta sobre a riqueza do municipio.
  • O patrimonio histórico inclúe o Camiño Real do Oribio, a Ferrería e a Capela de San Mamede.

Ademais, hai tres vídeos para proxectar no recuncho audiovisual, relacionados todos eles coa riqueza patrimonial do Concello de Triacastela. O acceso é libre para calquera persoa interesada no patrimonio triacastelá.

Museo Escolar Triacastela / Concello de Triacastela

ÚLTIMAS

O programa para a XXI Feira Medieval darase a coñecer na inauguración do ‘mercado temático’ da Praza de Abastos de Monforte

O Alcalde de Monforte, José Tomé Roca, inaugurará este sábado día 5 de abril ás...

Agreden a un árbitro menor de idade tras o partido entre o Calansancio e o Arenteiro

A familia dun árbitro de 16 anos presentou unha denuncia ante a Policía Nacional...

O Concello de Chantada inviste 53.000€ na adecuación da contorna da igrexa de Santa María de Nogueira

O Concello de Chantada conta cunha subvención da Axencia de Turismo de Galicia de...

Monforte estrea pistas de tenis con plataforma automatizada de alugueiro

Rematan as obras de reparación das pistas de tenis municipais consistentes na mellora do...