O precintado dos viños que participan da cata farase este mércores, 17 de xullo. O día 18 de xullo farase a precata para rematar coa cata a cegas o día 19, na que participará o panel de cata oficial da Ribeira Sacra. Este panel está composto por expertos enólogos e catadores certificados, cuxa misión é asegurar a máxima calidade e autenticidade dos viños da denominación de orixe. A cerimonia de entrega de premios terá lugar o próximo 19 de xullo de 2024, ás 19:00 horas. Seguidamente, celebrarase un cóctel para os asistentes.
As adegas inscritas na D.O. Ribeira Sacra están invitadas a presentar os seus mellores viños para competir en tres categorías principais: tintos, brancos e outras anadas. Dentro das categorías de tintos e brancos, os premios outorgaranse en tres niveis: ouro, prata e bronce. Na categoría de outras anadas, recoñeceranse tres viños coa medalla de ouro.
O Consello Regulador espera contar coa presenza de todos os interesados no mundo do viño, nun evento que celebra non só a calidade dos viños da Ribeira Sacra, senón tamén o arduo traballo e a dedicación dos seus produtores.
