As adegas aseguran compartir as preocupacións da plataforma respecto ao impacto que a instalación de parques eólicos supón na contorna natural e nas tradicións, ademais dos prexuizos para o sector turístico. “O noso compromiso coa calidade e autenticidade dos nosos produtos vitivinícolas, vense ameazados pola posible alteración da paisaxe e das prácticas e das prácticas agrícolas que foron fundamentais para a produción de viños de calidade nesta rexión”, afirman as adegas.

Con respecto ao turismo asentado na paisaxe e nas tradicións consideran que a instalación de parques eólicos alteraría de maneira significativa os reclamos que atraen a visitantes de todo o mundo. Consideran que a modificación da paisaxe suporía unha diminución da afluencia do turismo que impactaría negativamente na viabilidade das adegas e no emprego local.

Este grupo de adegas remata insistindo en buscar solucións que respecten o desenvolvemento sostible e a protección do patrimonio. A este repecto, as adegas do Saviñao amosan a vontade de colaboración coa Plataforma, “Pacto Frente a Eólicos” no Saviñao, que asegura que instará se chega o momento, a todos os
afectados a solicitar taxacións das súas propiedades, informes de saúde
animal e saúde das personas para posibles accións legais futuras polos
danos que poidan ter como consecuencia dos parques eólicos.