A praia do Val, en Mondariz, foi testemuña da última proba do Campionato Galego de Promoción Slalom 2024 na mañá do domingo 29 de setembro.
O río Tea levaba pouca canle de auga, e nese tramo estaba moi moi calma, feito que dificultou aos piragüistas avanzar facendo máis duro o percorrido. Aínda así, todas e todos baleiráronse sabendo que nesta proba xogábanse o posto final e definitivo da tempada na clasificación galega.
O Club Quixós quedou terceiro clasificado, levando a medalla de bronce, e por enriba dos monfortinos, o Club Deportivo Miño Teixugos de Tomiño, medalla de prata;e O Club Río Tea, de Mondariz, medalla de ouro.
MEDALLEIRO INDIVIDUAL
No que respecta aos recoñecementos individuais, as e os deportistas que acadaron medalla foron os seguintes:
CATEGORÍA INFANTIL
Edgar, medalla de prata en K1 e bronce en C1.
África, medalla de bronce en K1.
CATEGORÍA ALEVÍN
Abril, medalla de prata en K1, e bronce en C1.
Lucas, medalla de bronce en C1.
Xoel Fernández, medalle de ouro en C1, e prata en K1.
CATEGORÍA BENXAMÍN
Manuel, medalla de bronce en K1.
