A xornada, que conta co apoio da área de Rural da Vicepresidencia da Deputación de Lugo, pretende enfocar desde unha perspectiva local, e coa participación dos gandeiros e gandeiras da comarca e do resto da provincia, as cuestións que pon sobre a mesa o coñecido como “Diálogo Estratéxico sobre o futuro da agricultura da Unión Europea”,  que sinala como principais retos o futuro do sistema alimentar europeo, a incorporación da tecnoloxía e da innovación e a preservación dos límites da natureza.

A participación na xornada é aberta e desenvolverase co seguinte programa:

• De 10:00 a 10:20h, Chegada, recepción participantes e presentación
• De 10:30 a 11.30h, Palestra: O papel do Consello Regulador de Vitela Galega
• De 11.30 a 12:30h, Palestra: Como abordar os retos da sanidade animal no contexto da mudanza climática
• De 12:30 a 13:00, Palestra: Modelo produtivo para as explotacións extensivas de bovino de carne

Esta accion formativa terá continuidade o 17 de novembro en Chantada, cunha xoranda dedicada ao sector vitícola na Ribeira Sacra na que se analizará a crise de produción, comercialización e consumo, a aplicación de produtos fitosanitarios e a súa influencia sobre o entorno social e medioambiental e o papel dos consellos reguladores.