Alumnado dos ciclos formativos de Asistencia á Dirección, de Administración  e Finanzas, e de Desenvolvemento de Aplicacións Webs, todos eles participantes en programas impulsados pola aula de emprendemento do centro, veñen de viaxar a Londres para visitar a “The Busines Startup Show” na súa 50 edición. O evento é considerado un dos mellores de Europa no que a emprendemento se refire.

O alumnado de FP que viaxou á capital británica gozou da parte formativa da exposición e tamén aproveitou o tempo para coñecer lugares emblemáticos da cidade como: o British Museum, Natural History Museum, Trafalgar Square, Covent Garden, Sky Garden, Abadía Westminster, Piccadilly Circus, Tower Bridge, St James’s Park, Palacio de Buckingham…