O entroido comezará en Sober coa celebración do Xoves de Compadres, o 20 de febreiro, e o Xoves de Comadres, o 27 de febreiro. Nos últimos anos foron moitos os lugares e aldeas que se sumaron a esta tradición, ademais do propio Concello de Sober, que cada ano expón os seus compadres e comadres diante da Casa Consistorial.
O sábado, día 1 de marzo, será o día grande do entroido soberino coa celebración da XVII Baile da Cachucha. A programación contempla un desfile de comparsas con saída ás 17:00 horas. Ás 18:00 horas haberá xogos, inchables, música e merenda para todos e todas no pavillón municipal. A continuación, ás 19:30 horas, terá lugar un concurso de disfraces infantil, e ás 20:00 horas degustación de cachucha e viño de Amandi para rematar a gran xornada de festa.
DESFILE DE COMPARSAS E CONCURSO DE DISFRACES
A celebración contará con premios para os adultos e para os nenos e nenas. As comparsas recibirán 60 euros só por participar e 30 os grupos. O Concello de Sober repartirá case 2.000 euros en premios nas diferentes categorías:
Premios por comparsas: 400 € para a 1ª, 250 € para a 2ª, 150 € para a 3ª e 100 € para a 4ª clasificada.
Premios por grupos: 1º dotado con 120 €, 2º con 100 e o 3º con 90 €
Individual e por parellas: Dotados con 80, 60 e 50 € para o 1º, 2º e 3º premios respectivamente.
No que respecta aos premios para o Concurso de Disfraces Infantil no Baile da Cachucha hai 2 categorías de premios. Por grupos levarán premio de 80, 60 e 50 € o 1º, 2º e 3º clasificados respectivamente; e individuais e por parellas premios de 60, 40 e 30 para o 1º, 2º e 3º clasificados.
