O Concurso de Compadres 2025 no Concello da Pobra do Brollón tivo bastante participación, con creacións colectivas que se puideron ver, ademais de na vila, nas parroquias de Lamaigrexa, Parada dos Montes, Pacios, Piño, Canedo e Parada dos Montes.
As figuras recollían estampas nas que se criticaba, entre outras cousas, ás administracións.
Amenizados pola Escola de Música ‘Samoeiro’ edición Entroido, o mesmo xoves pola tardiña fíxose un pasarrúas musical e rematouse coas creacións individuais realizadas pola cativada na Praza da Peza para correr o entroido e queimar os compadres. Escenificáronse as tradicionais carreiras e disputas para coller o compadre e despois queimáronse na fogueira. Ao remate, o concello convidou a chocolate quente co que repoñer forzas.
O venres, 21 de febreiro, houbo un novo obradoiro na Biblioteca Municipal para elaborar comadres –de cara ao xoves 27 de febreiro– e caretas.
