Máis de 300 persoas participaron no Desfile de Comparsas deste sábado, 1 de marzo, no Concello de Chantada. Ás 18:00h. comezaba o percorrido na Domuvi encabezado polo Entroido Ribeirao, seguiríanlle as 9 comparsas participantes con representación do Concello de Chantada e dos concellos de Antas de Ulla, Carballiño, Sarria, Rodeiro, Monforte de Lemos, Maside e Amoeiro.
O desfile percorreu as rúas de Chantada e foi seguido por numerosas persoas que ao remate se deron cita na carpa instalada na Praza de Galicia onde as diferentes comparsas fixeron as súas representacións para ser valoradas polo xurado, composto por 5 membros da orquestra La Travesía que amenizaría tamén a verbena posterior.
De entregar os premios encargaríanse membros do equipo de goberno encabezados polo alcalde, Manuel Lorenzo Varela. Así entregáronse os seguintes premios:
Comparsas Infantil Local
1º Premio: Tropical Show (Chantada). 500,00€
Comparsas Infantil Xeral
- 2º Premio: Grease Antas (Antas de Ulla). 500,00€
- 1º Premio: Tropical Show (Chantada). 700,00€
Comparsas Adultos Xeral
- 3º Premio: “Festas no barranquillo” (Sarria). 300,00€
- 2º Premio: “Liñares Factory Team” (Amoeiro). 500,00€
- 1º Premio: “O mar ao son de Dacón” (Asociación Cultural Os Arrieriños de Dacón, Dacón – Maside -). 700,00€
Comparsas Adultos Local
1º Premio: “Galicia Caníbal” (Chantada). 500,00€
