HomeDeportes"Os 3000 do Courel, a ruta máis salvaxe de Galicia", Guillermo Díaz

“Os 3000 do Courel, a ruta máis salvaxe de Galicia”, Guillermo Díaz

Coureleando vén de anunciar unha nova edición deste roteiro, un desafío só apto para deportistas habituados a grandes distancias e desniveis. Está aberta a inscricións e programada para o 21 de xuño.

Publicado o

POR
XMF
- Advertisement -

Chega unha oportunidade de poñerse a proba para aqueles e aquelas camiñantes e deportistas afeitos e preparados a roteiros de grandes distancias e altos desniveis. Trátase da coñecida como “Os 3000 do Courel”.

RUTA DEPORTIVA 

A ruta, organizada por Coureleando e programada para o 21 de xuño, considérase de dificultade moi alta. Saíndo da Aula da Natureza de Moreda sube o quilómetro de Formigueiros, o medio quilómetro de Polín, o quilómetro de Penaboa/Piapáxaro e remata no Pontón co bucle do medio quilómetro de Coto. O punto de encontro inicial para desprazarse ata a Aula da Natureza é a Praza do Concello de Folgoso do Courel ás 7:00 h.

O percorrido é de 30 quilómetros, tendo en conta que hai 3000 metros de ascenso e 3000 de descenso (un total de 6000 acumulados). O tempo estimado para poder completalo é de 15 horas con paradas. Dificultade moi alta, insisten dende a organización, tendo claro que esta proposta deportiva está pensada “só para camiñantes habituados a grandes desniveis e distancias”. No que respecta ao terreo, este será mixto, con sendeiros, pistas, aristas e tramos técnicos. Os puntos de retirada serán: Moreda, Ferreirós de Arriba.

Material obrigatorio: zapatillas de trail en bo estado, mochila con comida lixeira, crema para o sol, gorra, frontal con pilas, auga (haberá puntos de recarga na ruta), roupa adaptada á climatoloxía dese día e sales minerais. Non obrigatorio, pero moi recomendable, levar bastóns.

“Se buscas un reto persoal, queres poñerte a proba ou estás adestrando para unha ruta noutras montañas, aquí está a ruta máis salvaxe de Galicia. Só un 50% dos que viñeron remataron, atréveste?”, di Guillemo Díaz de Coureleando.

PREZO, INSCRICIÓNS E GUÍA

O prezo para poder participar é de 20 € e o teléfono de contacto para as inscricións: 626 643 021. Como responsable da ruta estará o Guía e Técnico Deportivo de Media montaña, Guillermo Díaz.

ÚLTIMAS

Sober presenta a programación ao redor do viño de Amandi

Este ano o convidado de honra é o Concello do Incio, nunha edición da...

A D.O. Ribeira Sacra presente en ProWein 2025

ProWein, evento que se desenvolve en Düsseldorf, Alemaña, do 16 ao 18 de marzo...

O Incio celebra o I Cocido Gourmet Porco Celta

A cita nace co obxectivo, tal como explica o alcalde, Héctor Corujo, de reivindicar...

‘Curso de Orientación en Montaña no Courel’ organizado pola Asociación Micolóxica Lactouros

A Asociación Micolóxica Lactouros vén de anunciar unha nova iniciativa formativa, neste caso a...