Os senadores do PP lucense -José Manuel Barreiro, José Manuel Balseiro e Juan Serrano- interesáronse na Cámara Alta, a petición do PP de Monforte de Lemos, polas xestións dependentes do Goberno de España en relación ao Porto de Seco, un dos proxectos estratéxicos no ámbito do impulso das infraestruturas loxísticas.
Coa resposta oficial a preguntas dos populares no Senado, “o Goberno de Sánchez recoñece que ten bloqueada a construción da vía de acceso dende a plataforma loxística coa estrada N-120”.
Un dos principais obstáculos para a posta en marcha desta área de máis de 146.000 metros cadrados de solo industrial e con capacidade intermodal para combinar transportes de mercadorías en automóbil, vehículos pesados e transporte ferroviario “é a esixencia de ADIF, o administración das infraestruturas ferroviarias, para que sexa a Xunta de Galicia a que asuma a supresión dun paso a nivel sobre a vía”, apuntan os populares.
Os senadores advirten que o acceso se atopa “bloqueado dende fai 6 anos” e “o Goberno de Sánchez non ofrece ningunha solución”. É por iso polo que os representantes do Partido Popular esixirán ao Goberno de España, a través dunha iniciativa no Senado, o desbloqueo desta situación.
