O Concello de Chantada organiza o 9 de maio no Auditorio Municipal de Chantada desde as 19:30h un obradoiro que leva por título “Adolescencia e contido online: efectos na saúde emocional”.

Durante 75 minutos e coa utilización de dinámicas participativas integraranse coñecementos clave sobre a importancia de establecer límites, tanto no ámbito persoal como no uso das tecnoloxías, promover a reflexión crítica sobre o uso responsable das TRIC e a importancia do acompañamento emocional.

Con todo este obradoiro pretende fomentar a capacidade de acompañamento emocional e a súa relevancia na creación de entornos seguros e de apoio dentro do núcleo familiar, insistindo en conceptos como convivencia e benestar.      

A través de simulacións de situacións reais relacionadas co uso das tecnoloxías, reflexionarase sobre o impacto emocional que ten o mundo dixital na súas familias. A dinámica colocará á poboación adulta na pel das novas xeracións para comprender mellor as súas vivencias dixitais.

“Non me gusta traballar coas famlias desde o medo, iso fai que non nos adentremos neste mundo e que as/as nenas/os e os/as adolescentes sean orfos/as dixitais. Hai moitas novas con moita alarma que demonizan as redes sociais e todo o dixital e así seguimos aumentando a brecha dixital entre as xeracións. Nos centros educativos vexo que os nenos demandan que se lles acompañe desde a reconciliación e non se lles fale desde o xuízo, que os adultos coñezamos o que hai e esteamos presentes”, explica Paula Santos.