O XII Rally Terras do Incio organízase grazas á colaboración do Concello de Sober e do Incio tendo lugar entre o 18 e o 23 de xuño. O mércores 18 os amantes do motor estarán en Sober a partir das 12:00 horas, mentres que o xoves 19 farán parada no Incio.
A cita, considerado un dos eventos máis relevantes do motor clásico, pretende dar a coñecer a Galicia máis descoñecida e pintoresca co atractivo de poder ver circular estes exclusivos vehículos polas paraxes que se percorren. Os participantes teñen ademais a oportunidade de degustar a rica e variada gastronomía galega.
No Rally está previsto que participen 25 exclusivos vehículos clásicos chegados desde diferentes puntos de España, Portugal e Bélxica para percorrer as estradas do interior de Lugo ata acabar en Ribadeo o día 23. En cada parada do percorrido haberá ocasión para que visitantes e veciños poidan ter a experiencia de velos, tendo en conta que, entre as marcas que se poderán ver, estarán: Ferrari, Aston Martin, Jaguar, Porsche, Maserati ou Mercedes.
