O delegado territorial da Xunta, Javier Arias, visitou este xoves as instalacións para comprobar o resultado das obras. A principal actuación centrouse no acondicionamento da fachada, para corrixir o deterioro propio do paso do tempo.

Con esa finalidade acometeuse a limpeza de todo o exterior e da entrada principal. Tamén se aplicou un tratamento hidrófugo –para evitar a humidade– na fachada e renovouse a pintura dos paramentos. Nas zonas onde hai pedra, realizouse o selado das xuntas. No que respecta ao interior do inmoble, destaca o pintado da área de Rexistro Civil.

Co plan de reforzo da seguridade neste tipo de edificios xa se tiña instalado un arco de seguridade na entrada do xulgado sarriao para facilitar os controis de acceso. Antes de que finalice o ano acometerase unha nova actuación para acondicionar unha porta de paso específica con peche eléctrico para o persoal que desenvolve alí o seu traballo. Arias lembrou que o Goberno galego ten un programa anual de mantemento e modernización das infraestruturas xudiciais da Comunidade.

Xulgado Sarria / Delegación terirtorial