O obxectivo central desta visita dos eurodiputados, Francisco Millán Mon e Nicolás González Casares, a Ribadiso foi a celebración dun acto no que a Presidenta da Mancomunidade, Begoña Balado, deu lectura a un manifesto no que reivindicaba o papel do Camiño Francés como a arteria principal de Europa.
“Pola porta das nosas casas, circularon ideas e valores, a través de xentes de toda condición, que constituíron a verdadeira orixe e cimento da nosa cultura europea. Tense dito que Europa fíxose peregrinando, polo menos esa Europa enfocada na concordia, no progreso e na convivencia” sinalaba a Presidenta da Mancomunidade ao tempo que engadía: “somos os depositarios últimos desa gran tradición na que se fundamentou Europa”.
Os Alcaldes e representantes do Camiño Francés en Galicia presentes no acto tiveron a visita do Director da S.A. de Xestión do Plan Xacobeo. Coincidiron en seguir traballando polo Camiño Francés pois representa “un espazo único de encontros, de intercambios, de aprendizaxe e saber”.
