A Asociación de Empresarios de Chantada e CCA Ribeira Sacra organizarán unha xornada festeira para os e as pequenos/as da casa como remate a esta semana de volta ás aulas e comezo do novo curso escolar.

Trátase do evento coñecido como ‘Día d@ Nen@’ e nel ofrécense diferentes atraccións, actividades e oferta gastronómica para pasar unha tarde espectacular na contorna das Piscinas Municipais en horario de 16:30 a 19:30 h. Para poder participar delas cómpre presentar xustificante de compra nos establecementos asociados con data do 9, 10 ou 11 de setembro e cun importe mínimo de 10 euros.

No que se refire ás propostas de lecer que se ofrecerán, en concreto haberá: touro mecánico, Wipe-Out, Whack-a-Mole, Inchable Super Mario, Festa da Escuma e animación musical. E no apartado gastronómico, para recuperar forzas despois de tanta acción, haberá carriño de ‘perritos calientes’ e ‘carriño de flocos de millo’.

Esta actividade dinamizadora do comercio local de Chantada está financiada pola Xunta de Galicia e Comercio Galego e conta coa colaboración do Concello de Chantada.