O Concello de Monforte vén de informar da concesión de axudas dirixidas a diversas entidades deportivas, culturais, recreativas, formativas e sociais da cidade para o desenvolvemento da súa actividade durante o actual exercicio 2026.
O rexedor monfortino, José Tomé, destaca o importante traballo que realizan estas entidades, inscritas no rexistro de asociacións municipal e caracterizadas por non teren ánimo de lucro. Nese senso sinala que “estas axudas son unha mostra clara do compromiso deste Equipo de Goberno co tecido asociativo da nosa cidade e co labor que desenvolven as entidades deportivas, culturais e sociais ao longo do ano”. Lembrando, ademais, a colaboración do Concello ao apoiar “un labor que consideramos fundamental, porque estas entidades realizan un traballo que contribúe a dinamizar a vida de Monforte, a fomentar a participación cidadá e a ofrecer actividades e servizos dos que se beneficia o conxunto da sociedade”.
SUBVENCIÓNS PARA O FUNCIONAMENTO DE ASOCIACIÓNS, CLUBS E COLECTIVOS
Catorce entidades que promoven iniciativas deportivas, culturais e socias en Monforte de Lemos recibiron axudas económicas do Concello de Monforte para poder desenvolver a súa actividade no 2026. En total repartíronse 63.100 € do seguinte xeito:
- Asociación de Empresarios de Hostalería de Lugo: 3.000€
- Clarisas Centro Purísima Concepción: 4.000€
- Club Fluvial: 1.000€.
- Club de Tiro Olímpico Cabe: 500€
- A.D. Escolapios: 1.000€
- Club Lemos: 20.000€.
- Club Pesca Monforte: 1.100€
- Sociedade Val de Lemos Caza y Pesca: 1.500€
- Club Quixós: 6.000€
- Náufragos do Paradiso: 4.000€
- Asociación Festival Carude Rock: 4.000€
- Fancine de Lemos: 5.000€
- Club Natación Monforte: 10.000€
- Cruz Vermella: 2.000€.
AXUDAS PARA ACTIVIDADES CONCRETAS DE ENTIDADES
Esta liña de subvencións municipais está pensada para colaborar economicamente con actividades concretas realizadas por asociacións culturais, lúdicas, recreativas ou formativas no exercicio 2026. A contía máxima por axuda é de 1.000€, non podendo superar o 70% do importe subvencionable. Ademais, as axudas teñen carácter único e non acumulativo non podendo superar o custo da actividade a desenvolver polo beneficiario. En total repartíronse 14.233.54 € entre 15 colectivos.
Relación de beneficiados/as e actividade concreta subvencionada:
| ASOCIACIÓN CULTURAL LODEIRO | XORNADA DE PORTAS ABERTAS | 1.000,00 |
| ASOCIACION CAMIÑOS A SANTIAGO POLA RIBEIRA SACRA | ANDAINA ESCOLAR POLO CAMIÑO DE INVERNO | 1.000,00 |
| ASOCIACIÓN DE VECIÑOS DA PARROQUIA DE RIBASALTAS | VIAXE CULTURAL CANTABRIA | 1.000,00 |
| ASOCIACION CULTURAL DE GULLADE | OBRADOIRO DE PANDEIRETA, CANTO E PERCUSION | 1.000,00 |
| AFA DO CEIP PLURILINGÜE A GÁNDARA | ACTIVIDADE ANUAL DA AFA A GANDARA | 1.000,00 |
| A.C. OS XOGRARES DE LEMOS | II FESTIVAL DE VERÁN 2026 XOGRARES DE LEMOS | 1.000,00 |
| A. C. MUSICAS DE MONFORTE | OBRADOIRO DE CESTERIA | 756,84 |
| CLUB FLUVIAL DE MONFORTE DE LEMOS | PROGRAMA ANUAL DE ACTIVIDADES CULTURAIS, LUDICAS E RECREATIVAS | 1.000,00 |
| ANPA A LAGOA CEIP PLURILINGüE DE MONFORTE | ACTIVIDADE ANUAL DA ANPA A LAGOA | 1.000,00 |
| A. C. SAN MARTÍN DE PIÑEIRA | CLASES DE BOLILLOS | 1.000,00 |
| AGRUPACION FOLCLORICA LEMAVOS | ENSAIOS, INVESTIGACION ETNOGRAFICA E ACTUACIONS | 1.000,00 |
| ASOCIACION DE VECIÑOS DE PIÑEIRA | XIMNASIA DE MANTENIMIENTO PERSOAS ADULTAS | 1.000,00 |
| A. DE PALILLEIRAS DA RIBEIRA SACRA | XUNTANZAS PALILLEIRAS | 1.000,00 |
| ASOCIACIÓN BATTUERE | ACTUACIONS MUSICAIS | 476,70 |
| A. C. AMIGOS DA PANDEIRETA | VIAXE CULTURAL A PORTUGAL | 1.000,00 |
