Monforte de Lemos é a cabeceira dunha comarca cunha rede educativa ampla, que abrangue centros públicos e concertados de educación infantil, primaria, secundaria, formación profesional e ensinanzas de réxime especial. Consideran que nesta situación debería dispor dun espazo estable no que a comunidade educativa e a corporación municipal trataran o que afecta ao alumnado da localidade. Aseguran que o Consello Escolar Municipal é ese espazo, o órgano de consulta e participación dos sectores afectados na programación do ensino non universitario e na planificación dos centros escolares de ámbito municipal.
Esperta Monforte considera que a ausencia deste órgano ten consecuencias concretas, “No pleno do pasado mes de seternbro defendemos unha moción sobre a situación de 2º de Educación Primaria e o equipo de goberno abstívose alegando non dispar de información suficiente sobre o asunto. Esa resposta é, en si mesma, o mellar argumento a favor desta moción”.
Para atender ao alumnado de infantil, Monforte conta cunha escola infanti con 41 prazas e unha gardería privada co mesmo número de prazas. A lista de agarda para a escota infantil municipal no curso 2026-2027 foi de 26 nenos e nenas. O Concello de Monforte contaba en xullo de 2025, segundo o IGE, con 532 nenos e nenas no grupo de O a 4 anos de idade. A falta de cobertura das necesidades de conciliación e escolarización da infancia de O a 3 anos en Monforte motiva desprazamentos a concellos limítrofes para acudir á gardería que “debería ser un servizo e dereito básico na nosa cidade, propoñemos aos grupos políticos do Concello de Monforte que reclamemos conxuntamente ante a Xunta unha escota infantil pública, unha Galiña Azul”.
Espertamonforte presentará tamén unha serie de preguntas en defensa dos traballadores e traballadoras afectados polo contrato do servizo de limpeza nos colexios públicos da Gándara, Infanta Elena e Colexio Novo. Piden explicacións ao goberno local sobre a adxudicación deste contrato e sobre a súa supervisión. “Non imos permitir que estas persoas paguen os erros do Concello. Se a empresa non cumpre, quen a contratou ten que dar a cara”, asegura Germán Vázquez. A formación política presenta como rogo que se dea conta de todas as xestións necesarias para garantir o cobramento íntegro das mensualidades e atrasos que se lle deben ao persoal de limpeza destes centros, “chegando a aplicar, se fose preciso, a cláusula 22.2.k do prego de cláusulas administrativas, que abriga o Concello a reter os pagamentos á empresa adxudicataria para garantir o pagamento dos salarios”.
