O BNG e o PSOE presentarán no próximo pleno da Deputación e ao Parlamento Galego unha iniciativa na que solicitan á Xunta, que manteñan o centro de saúde de A Barrela e o consultorio de Castro co seu correspondente persoal.

O partido Nacionalista considera que o peche do consultorio de castro é o primeiro paso para pechar outros moitos consultorios da zona do interior de Lugo, unha zona rural cada vez máis deteriorada e desprotexida pola administración pública, a pesar de ser esta, unha zona onde a maioría dos seus habitantes son persoas maiores que viven soa.

Os socialistas de Carballedo esixen á Xunta que reabra o centro de saúde de Castro, que pechou nos pasados días obrigando aos veciños a trastradarse a Barrela, cando nin tan sequera contan con transporte público axeitado para acudir ao mesmo.

A agrupación política En Marea presentará unha iniciativa ao Parlamento Galego para pedir explicacións á Xunta polos recortes na atención primaria no Concello de Carballedo e sobre o peche do consultorio de Castro

Desde En Marea, reclaman, unha mellora da dotación humana de atención primaria, ademais dun reforzo en traballadores/ as sociais e psicólogos/ as para así poder resolver estas patoloxías na proximidade e que non fixese falta derivalos á atención especializada.

En Marea, considera que o Sergas coa súa proposta de implantar novas formas de asistencia sanitaria e atención a domicilio nos pacientes crónicos, quere “vender” algo que os profesionais de atención primaria levan facendo desde sempre.