InicioPolíticaAmpliación das vías de recadación para os Concellos por parte da Deputación

Ampliación das vías de recadación para os Concellos por parte da Deputación

Bóveda, Chantada, Folgoso do Courel, O Incio, Láncara, Monforte de Lemos, O Páramo, A Pobra do Brollón, Quiroga, Sober, Taboada, son os primeiros 11 concellos do sur lucense que se sumaron a este proxecto promovido pola Deputación de Lugo

Publicado o

- Advertisement -

A Deputación de Lugo ven de asinar o convenio de colaboración cos primeiros 51 concellos da provincia que se sumaron a este iniciativa de acadar novos ingresos para as arcas municipais mediante a aplicación de taxas ás empresas enerxéticas pola ocupación de espazos públicos municipais. Bóveda, Chantada, Folgoso do Courel, O Incio, Láncara, Monforte de Lemos, O Páramo, A Pobra do Brollón, Quiroga, Sober, Taboada, son os primeiros 11 concellos do sur lucense que se sumaron a este proxecto.

O Goberno da Deputación dende a Área de Cooperación dos Concellos elaborou un estudo previo que recolle a tipoloxía de liñas eléctricas coas que contan os Concellos e a lonxitude de ocupación das mesmas os bens de titularidade pública municipal. Deste xeito, os Concellos adheridos contarán con novas vías de ingresos que redundarán no beneficios dos veciños.

Campos Conde, presidente da Deputación, explicou que primeiro contratarase un estudo que determinará o espazo público municipal que ocupan en cada un dos Concellos as empresas de luz e gas para o transporte da enerxía. Acadarase deste xeito un rexistro técnico, económico e xurídico, que permitirá fixar as respectivas taxas municipais ás enerxéticas. Todo iso recollerase nunha ordenanza que aprobarán os Concellos para a súa aplicación, comezando así a recibir uns ingresos, que na actualidade non perciben, para poder destinalos á mellora das prestacións publicas.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...