A caída de saraiba na zona da Ribeira Sacra deixou grandes estragos, especialmente nos viñedos. O pedrazo esnaquizou case na súa totalidade as viñas da zona. A zona de San Fiz viuse especialmente afectada, na que a treboada arrasou os viñedos “nun 100%” nun total de 70 hectáreas, segundo sinalou o presidente do consello Regulador da Denominación de Orixe da Ribeira Sacra, José Manuel Rodríguez.

Os usuarios de redes sociais compartiron imaxes do acontecido, as máis desoladoras aquelas nas que os viñedos se ven afectados na súa totalidade e a colleita deste ano estragada. Dende as redes sociais tamén demandan solucións ante os estragos.

*SAN FIZ E BELESAR ZONA CATASTRÓFICA*

🍇 Moito ánimo a todas as persoas viticultoras, pois á nefasta colleita de 2020 súmase *a saraiba que deixou hoxe a treboada* e que non só botou a perder toda a colleita, senón que se levou por diante muras pic.twitter.com/uqkL14mddh
— Mauro dTabeaio 🛰 🏴👨🏼‍🌾 (@econarkista) June 16, 2021
 

Que tristeza vendo como o granizo destrozou os viñedos e cultivos de San Fiz, en Chantada, na Ribeira Sacra. Terrible. Levouse o 100x100 das uvas. Todo o meu afecto e pensamento para a xente afectada !!! pic.twitter.com/MR6Vl4plmJ
— Rogelio Santos Queiruga (@QueirugaRogelio) June 17, 2021
 

Así q se facedes o favor de darlle difusión a mensaxe as viticultoras de #Chantada van agradecervolo pic.twitter.com/TKQhA4suX3
— Mauro dTabeaio 🛰 🏴👨🏼‍🌾 (@econarkista) June 16, 2021
 

Ademais, moitas estradas víronse afectadas, sorprendendo aos condutores e deixando imaxes que “semellaban neves”. A Policía Local tivo que cortar temporalmente o corredor que conecta Chantada con Monforte debido á acumulación de xeo.