No polígono dos Acivros, no concello de Chantada, vendeuse a parcela número 21 a UDEICA S.L. por 45.560€, que se dedica á xestión de capital de sociedades.

Os alleamentos destes terreos leváronse a cabo a través dun proceso de adxudicación directa, tras o escrito presentado pola empresa, no que mostrou o seu interese en adquirir a devandita parcela.

Desta forma, no Polígono chantadino non quedarían parcelas dispoñibles das 49 que ten este parque, pois só quedan sen vender 6, pero xa están reservadas á espera de formalización das vendas.