HomeComarca de QuirogaRibas de SilGonzalo Caballero pide unha "nova política forestal de prevención"

Gonzalo Caballero pide unha “nova política forestal de prevención”

"Non pode ser que cada verán teñamos este tipo de incendios que se saen de control", afirmou o secretario xeral do PSdeG á vez que subliñou que a principal política contra incendios foi, "unha vez máis, a choiva".

Publicado o

- Advertisement -

O secretario xeral do PSdeG, Gonzalo Caballero, manifestou a necesidade de implantar unha “nova política forestal, de prevención e de aposta polo rural”, para o que pediu “un acordo de país”. Así se expresou este mércores na súa visita ao Concello de Ribas de Sil, acompañado do alcalde, Miguel Sotuela, despois do gran lume forestal que afectou ao municipio.

“Non pode ser que cada verán teñamos este tipo de incendios que se saen de control”, afirmou Gonzalo Caballero á vez que subliñou que a principal política contra incendios foi, “unha vez máis, a choiva”.

O mandatario do PSdeG instou a retomar os “grandes acordos” que se tentaron despois dos incendios do outono do 2017. “É necesario que agora se materialicen”, apuntou.

Caballero criticou que a Xunta “faga recaer” as responsabilidades nos concellos da Galicia rural, “que non poden facer fronte a elas”. “No Parlamento imos seguir tendendo a man a un gran acordo”, deixou claro.

Igualmente, reclamou ademais un cambio na política laboral dos brigadistas co obxectivo de darlles “maior estabilidade”. Así, Gonzalo Caballero agradeceu o traballo destes profesionais, de militares e todas as persoas que loitaron contra o lume, como os do Concello de Ribas de Sil.

PROBLEMAS COAS COMUNICACIÓNS E A AUGA

Pola súa banda, o rexedor comentou que a situación “está máis ou menos controlada”, aínda que os helicópteros continúan botando auga en “puntos moi concretos” sen risco para as casas.

Miguel Sotuela cualificou o lume de “apoteósico” e, a título persoal, asegurou que o lume “foi intencionado”.

“Estamos preocupados pola lentitude que están a ter as empresas por arranxar isto”, lamentou o alcalde, pois se queixa de “que toda a comarca está sen teléfono. “No Concello non podemos asinar ningún papel dixital pola ausencia de Internet”, explica.

Ademais da ausencia de comunicacións, tamén arderon algunhas canalizacións que portaban auga da traída aos núcleos de Rairos, A Cabarca, Vilario ou As Fontes.

ÚLTIMAS

Conservatorio na rúa, este 20 de xuño en Monforte

A actividades desenvolverase entre as 19:00 e as 20:30h. Será ao aire libre ubicando...

O IES A Pinguela foi gañador dun dos 10 retos do Programa InnovaTechFP da Consellería de Educación

Alumnado e profesoras do ciclo de Confección e Moda do centro participaron no reto...

O Concello de Triacastela colabora co Programa FSE+ de Asistencia Material Básica

Esta iniciativa consiste na posta a disposición das persoas destinatarias de tarxetas canxeables por...

Semana de visita de avaliadores da UNESCO ao Xeoparque Montañas do Courel

Os representantes da UNESCO foron recibidos polo presidente do Xeoparque, Roberto Castro e o...