Os coches clásicos chegan ao Incio

Unha oportunidade para ver por estas terras coches de época de marcas como Ferrari, Maserati, Alfa Romeo, Aston Martin, Jaguar, Porsche ou Mercedes.

Coche clásico/Deputación de Lugo

O VI Rally Turístico Terras do Incio reunirá 25 coches clásicos de España, Portugal e Bélxica entre os días 4 e 9 e xullo e percorrerán toda a provincia.

Vidal Baamonde, Deputado de Turismo, resaltou que, “a celebración deste rally é unha oportunidade para que os 25 participantes coñezan Lugo dunha forma distinta. Percorrendo a nosa xeografía e coñecendo o noso importante patrimonio turístico nun evento que se vai convertendo en referencia dentro da nosa provincia”.

o rally

Este ano o VI Rally Terras do Incio contará cun día máis. O percorrido comezará en Astorga continuando polo Barco de Valdeorras, Lugo, O Incio, Ribadeo, Taramundi, Oviedo e finalizará en Las Caldas. Dentro deste percorrido incluiranse actividades complementarias de tipo cultural como poden ser visitas ó casco histórico de Lugo, o embalse de Vilasouto, o Castro de Viladonga, o Aeródromo das Rozas, a Praia das Catedrais ou a Festa Indiana de Ribadeo, ademias de diversos miradores e lugares de gran fermosura. Tamén haberá comidas e actuacións musicais nas que os condutores de marcas tales como Ferrari, Maserati, Alfa Romeo, Aston Martin, Jaguar, Porsche e Mercedes poderán participar.

 

DEIXAR UN COMENTARIO

Please enter your comment!
Please enter your name here