InicioCulturaXornada adicada ao trobador, Martín de Padrozelos

Xornada adicada ao trobador, Martín de Padrozelos

Este sábado 29 de setembro celébrase no Incio e Samos unha xornada adicada a Martín de Padrocelos, trobador da lírica galego-portuguesa, que segundo indican algunhas investigacións, era de Praducelo, da parroquia de San Xoán de Lóuzara (Samos), con fortes vinculacións co mosteiro samoense e con Santa María do Val do Mao e San Salvador do Mao,  dúas parroquias do concello do Incio.

Publicado o

- Advertisement -

A xornada comezará en Samos ás 10.45 da mañá deste sábado 29 de setembro, cun acto no que intervirán Xulio Pardo de Neyra, autor do libro Martin de Padrozelos, o primeiro trobador da lírica galego-portuguesa?, e Dulce Fernández Graña, autora da tese de licenciatura As cantigas de Martin Padrozelos. Edición crítica, e da tese de doutoramento Edición crítica e estudo dos textos anónimos da lírica profana medieval galego-portuguesa.

Posteriormente, ás 12.30 horas, visitarase aIgrexa de Santa María do Val do Mao no Incio e ás 13.00 visitarase a igrexa de San Salvador do Mao, tamén no Incio. Ás 14.00 celebrarase un xantar en Airapadrón. Xa pola tarde a xornada comezará ás 16.00 con visita á casa de Martín de Praducelo de Lóuzara e ás 18.00 visitarase Santalla de Lóuzara, lugar onde naceu e viviu o poeta Fiz Vergara Vilariño; para rematar ás 20.00 novamente en Samos.

ÚLTIMAS

“Outlet de Inverno” en Sarria, os día 1 e 2 de marzo

Durante eses días, preto dunha trintena de establecementos de ACES participarán nunha campaña de...

Cales son as prioridades do orzamento do novo goberno para Quiroga?

No caso do servizo municipal de auga, co inicio das choivas de outono a...

Máis de 200 persoas inscritas para a carreira Xacorun Sarria que se celebra o 3 de marzo

A Xunta apoia un ano máis a iniciativa Xacorun, unha carreira entre Sarria, Paradela...

IGV demanda medidas “ante a crise de produtores de uva na Ribeira Sacra”

Interior Galego Vivo explica que "hai unha crise de excedentes de uva na DO...